काठमाडौं । नेपाल राष्ट्र बैंकका डेपुटी गभर्नर बमबहादुर मिश्रले अब राष्ट्र बैंक डिजिटल मुद्राको बाटोमा अघि बढेको बताएका छन् । राष्ट्र बैंकको ६७ औं वार्षिकोत्सवको अवसरमा आयोजित कार्यक्रममा बोल्दै मिश्रले यस्तो बताएका हुन् ।
‘भौतिक मुद्रालाई प्रचलनमा ल्याउन स्थापना भएको राष्ट्र बैंक अहिले यस्तो मुद्रा विस्थापन गरी डिजिटल मुद्रा चलाउनु पर्ने अवस्थामा राष्ट्र बैंक पुगेको छ,’ उनले भने ।
मिश्रले नेपाली अर्थतन्त्रको बाह्य क्षेत्रमा देखिएको समस्याले राष्ट्र बैंक कहिले लचिलो त कहिले कसिलो हुनुपर्ने अवस्था आएको बताए ।
