काठमाडौं । युनाइटेड इन्स्योरेन्सले ८७ हजार ३ कित्ता संस्थापक (प्रमोटर)सेयर बिक्री गर्ने भएको छ । कम्पनीले संस्थापक सेयरधनी एक्सेल डेभलपमेन्ट बैंक र सनराइज बैंकको स्वामित्वमा रहेको उक्त प्रमोटर सेयर बेच्न लागेको हो ।
एक्सेल डेभलपमेन्ट बैंकले इन्स्योरेन्समा आफ्नो नाममा रहेको ७९ हजार ७४२ कित्ता सेयर विक्री गर्न लागेको हो । एक्सेलले न्यूनतम मूल्य प्रतिकित्ता २९८ रुपैयाँमा सेयर बेच्न लागेको हो ।
त्यसैगरी, सनराइज बैंकले आफ्नो नाममा रहेको ५ हजार ८२७ कित्ता सेयर बेच्न लागेको हो । सनराइजले प्रतिकित्ता २२५ रुपैयाँमा सेयर बेच्न लागेको हो ।
उक्त सेयर किन्न इन्स्योरेन्सका हाल कायम संस्थापक सेयरधनीहरुले आवेदन दिन पाउने छन् । सेयर खरिद गर्न इच्छुक संस्थापक सेयरधनीहरुले चैत २४ गतेदेखि ३५ दिनभित्र आवेदन दिइसक्नुपर्नेछ ।
तोकिएको अवधिमा सबै सेयरका लागि आवेदन नपरे इच्छुक गैरसंस्थापक लगानीकर्तालाई सो संस्थापक समूहतर्फको सेयर विक्री गर्ने प्रक्रिया अघि बढाइने कम्पनीले जनाएको छ ।
इच्छुक लगानीकर्ताले युनाइटेड इन्स्योरेन्सको केन्द्रीय कार्यालय ट्रेड टावर थापाथली, काठमाडौंमा लिखित निवेदन दिनुपर्नेछ ।
