काठमाडौं । इमर्जिङ नेपालको प्राथमिक साधरण सेयर (आइपीओ) बाँडफाँट भएको छ । आज दिउँसो साढे ३ बजे कार्निभल रिसोर्ट, बिजुलीबजारमा कम्पनीको आइपीओ बाँडफाँट भएको हो ।
सेयर निष्काशन तथा विक्री प्रबन्धक एनआइसी एशिया क्यापिटलका अनुसार गोलाप्रथाबाट ५१ हजार ६६२ जनाले १० कित्ता दरले सेयर हात पारेका छन् भने भाग्यमानी ८ जनाले ११ कित्ता सेयर पाएका छन् । कम्पनीको आइपीओमा आवेदन दिएका पौने २३ लाख बढीको हात रित्तो भएको क्यापिटलले जनाएको छ ।
कम्पनीले माघ २६ गतेदेखि प्रतिकित्ता १०० रुपैयाँ दरले ५ करोड ५५ लाख ६० हजार रुपैयाँ बराबरको ५ लाख ५५ हजार ६०० कित्ता सेयर विक्रीम ल्याएको थियो । जसमा ११ हजार ११२ कित्ता कम्पनीका कर्मचारी, २७ हजार ७८० कित्ता सामूहिक लगानी कोष र ५ लाख १६ हजार ७०८ कित्ता सर्वसाधरणका लागि छुट्याइएको थियो ।
क्यापिटलका अनुसार कम्पनीको आइपीओमा कुल २३ लाख ३१ हजार २५८ जनाले २ करोड ६४ लाख ३० हजार ३३० कित्ता सेयरको माग गरेका थिए । सोमध्ये २ हजार ५५२ वटा आवेदन रद्द भएको छ । सदर २३ लाख २८ हजार ७०६ वटा आवेदकलाई गोलाप्रथाबाट सहभागी गराइएको क्यापिटलले जनाएको छ ।
कहाँबाट हेर्ने रिजल्ट ?
कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।
यसैगरी, विक्री प्रबन्धक एनआइसी एशिया क्यापिटलको वेबसाइट र इमर्जिङ नेपालको वेबसाइटबाट पनि नतिजा हेर्न सकिनेछ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।
