काठमाडौं । मेगा बैंकले आर्थिक वर्ष २०७७/७८ को मुनाफाबाट घोषणा गरेको लाभांश परिमार्जन गरेको छ । नेपाल राष्ट्र बैंकको निर्देशन अनुसार बैंकले यसअघि घोषणा गरेको लाभांश संशोधन गरेको हो ।
बैंक सञ्चालक समितिको बुधबार (आज) बसेको बैठकले बोनसदर घट्ने गरी लाभांश परिमार्जन गरेको हो । यसअघि सेयरधनीलाई १२.७ प्रतिशत बोनस सेयर लाभांश दिने प्रस्ताव गरेको बैंकले उक्त संशोधन गरी अब १० प्रतिशत बोनस सेयर र २.०७ प्रतिशत नगद दिने प्रस्ताव गरेको हो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी वार्षिक साधारण सभाबाट पारित भएपछि सेयरधनीहरुले पाउनेछन् ।
