काठमाडौं । महालक्ष्मी विकास बैंकको सेयरमा तीव्र चलखेल भएको देखिएको छ । पछिल्लो समय बिना कारण भाउ उचालिएको कम्पनीको आज फेरि घट्न थालेको छ ।
महालक्ष्मीको सेयर मूल्य पछिल्ला ६ कारोबार दिनमै प्रतिकित्ता २०० रुपैयाँभन्दा धेरैले बढेको थियो । कात्तिक १४ गते प्रतिकित्ता ६५० रुपैयाँ हाराहारीमा रहेको बैंकको सेयर २३ गते (६ कारोबार दिनमा) बढेर ८८२ रुपैयाँ पुगेको थियो ।
पछिल्ला दिनहरुमा लगातार पोजेटिभ सर्किट लाग्दै आएको बैंकको सेयरमा आज एकाएक नेगेटिभ सर्किट लागेको हो । आज बैंकको सेयर मूल्य ठ्याक्कै १० प्रतिशतले घटेर ७९३ रुपैयाँमा झरेको छ ।
भाउ बढेको दिनमा बैंकको सेयर बेच्ने थिएनन् भने आज घटेको दिनमा १ कित्ता पनि किन्ने छैनन् ।
स्वार्थ समूहले बिना कारण भाउ उचालेर आफूसँग भएको सेयर बेचेपछि पुनः भाउ घटाउन लागिपरेको लगानीकर्ताको आरोप छ ।
