काठमाडौं । सेयर बजार घट्ने क्रम यो साता पनि निरन्तर रह्यो । साताको पहिलो दिन देखि नै आरोलो लागेको बजार मंगलबार बाहेक सबै दिन घट्ने क्रम जारी राख्यो ।
बुधबार दोहोरो अंकले घटेको बजार यो साता बजार समग्रमा १६.६६ अंकले घटेको छ । मंगलबार ४.८७ अंकले बढेको बजारले त्यपछि फेरि लय समान्त सकेन ।
साताभरिमा १ अर्ब ६३ रोडको कारोबार भएको । सोमबार सबैभन्दा धेरै ३८ करोड ५ लाखको कारोबार भएको बजार मंगलबार २४ करोड ४६ लाखमा खुम्चिएको थियो ।
साताको अन्तिम दिन सेयर बजार मापक सूचक नेप्से १.३३ अंकले घटेर ११९६.४१ विन्दुमा आइपुगेको छ । बिहीबार १७० कम्पनीको २७ करोड ७३ लाख ५९ हजार ६५९ रुपैयाँको सेयर कारोबार भएको छ ।आज ९ लाख ७५ हजार ८३४ कित्ता सेयर खरिद–बिक्री भएको छ ।
कुल १२ वटा समूहको सेयर कारोबार भएकामा वाणिज्य बैंक र विकास बैंक समूह बढेका छन् भने बाँकी १० समूहको सूचक ओरालो लागेका छन् । आज सबैभन्दा धेरै जीवन बिमा समूहको सूचक ५०.२४ अंकले घटेको छ ।
कारोबार रकमको आधारमा कुमारी बैंकले अग्रता लिएको छ । कुमारीको १ करोड ६२ लाख ४४ हजार ६०३ रुपैयाँको कारोबार भएको छ ।
कारोबार रकममै दोस्रो र तेस्रोमा नेपाल लाइफ इन्सुरेन्स र एनआइसी एसिया बैंक परेका छन् । नेपाल लाइफको १ करोड ४८ लाख र एनआइसी एसियाको १ करोड ३० लाख भन्दा बढीको कारोबार भएको छ ।
बिहीबार सबैभन्दा धेरै सबैको लघुवित्त वित्तीय संस्थाको सेयर मूल्य ९.९८% ले बढेको छ भने युनाइटेड फाइनान्सको सबैभन्दा धेरै ६.४१% ले घटेको छ ।
