काठमाडौं । सरकारी स्वामित्वको उदयपुर सिमेन्टले ३ अर्ब ३८ करोड रुपैयाँ बराबरको साधरण सेयर (आइपीओ) जारी गर्ने प्रस्ताव पारित गरेको छ ।
उद्योगको आइतबार सम्पन्न वार्षिक साधरण सभाले उक्त प्रस्ताव पारित गरेको हो । साधरण सभाले ३ अर्ब ३८ करोड ५९ लाख २० हजार २०० रुपैयाँ बराबरको साधारण सेयर निष्कासन गर्ने प्रस्ताव पारित गरेको हो ।
उद्योगको नाममा रहेको १ अर्ब ७२ करोड ५० लाख रुपैयाँ सावाँ र १ अर्ब ६६ करोड ९ लाख २० हजार २०० रूपैयाँ ब्याज तिर्न सो रकम बराबरको सेयर जारी गर्न लागेको हो ।
उद्यागले एकैपटक १४ आर्थिक वर्ष (२०औंदेखि ३३औं ) को साधरण सभा सम्पन्न गरेको हो । यस्तै, सभाले उद्योगले हालको अधिकृत पूँजी ४ अर्ब रूपैयाँबाट वृद्धि गरी १० अर्ब कायम गर्ने प्रस्ताव पनि पारित गरेको छ ।
