सोमबार नेपाली सेयर बजारमा केही सुधार आउँदै गर्दा भारतीय सेयर बजारमा भने पहिरो गएको छ ।
सोमबार भारतीय सेयर बजारको बजार पूँजीकरण ७ लाख करोड भारुले घटेको छ । बम्बे स्टक एक्सचेन्जको बजार पूँजीकरण आज १८५ लाख करोडबाट झरेर १७८ करोडमा आइपुगेको हो ।
केही समययता लगातार बढीरहेको भारतीय सेयर बजार नाफा बुकिङ र कोरोना भाइरसको कारणले केही युरोपेली देशहरुले नियन्त्रणात्मक कार्यक्रम ल्याउने संकेतसँगै घटेको विज्ञहरुले बताएका छन् ।
बम्बे स्टक एक्सचेन्ज आज १४८१ अंकले घटेर ४५ हजार ४ सय ७८ मा आएको छ । बजारमा यसरी पहिरो जाँदा ५०० वटा कम्पनीको सेयर मूल्यमा नकारात्मक सर्किट लागेको छ ।
अत्याधिक घटेका ५ वटा कम्पनीहरुको मात्र कुल बजार पूँजीकरण १.९५ लाख करोडले घटेको छ । रिलायन्स, आइसीआइसीआई बैंक, एचडीएफसी बैंक लगायत कम्पनीका सेयर मूल्यमा भारी गिरावट आएको छ ।
