नेपाल एसबीआई बैंकको लाभांश घोषणा, बोनस र नगद कति
चाणक्य पोष्ट
प्रकाशित : 12:42 pm, शुक्रबार, मंसिर ५, २०७७

काठमाडौं । नेपाल एसबीआई बैंकले गत आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ ।

 

बैंक सञ्चालक समितिको बिहीबार बसेको बैठकले गत आवको वितरण योग्य मुनाफाबाट सेयरधनीलाई ६ प्रतिशत बोनस सेयर र कर प्रयोजन सहित ३.४७ प्रतिशत नगद गरी कुल ९.४७ प्रतिशत लाभांश दिने प्रस्ताव गरेको हो ।

 

यो अघिल्लो आर्थिक वर्ष २०७५/७६को भन्दा ७.३७ प्रतिशत कम हो । बैंकले अघिल्लो आवमा ६ प्रतिशत बोनस र १०.८४ प्रतिशत नगद गरी कुल १६.८४ प्रतिशत लाभांश दिएको थियो ।

 

बैंकले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र बैंकको आगामी वार्षिक साधारण सभाबाट पारित भएपछि सेयरधनीहरुले पाउनेछन्।

Advertisement Section