काठमाडौं । ग्रीन भेन्चर लिमिटेडले प्राथमिक साधरण सेयर (आइपीओ) निष्काशन गर्ने भएको छ ।
कम्पनीले प्रतिकित्ता १०० रुपैयाँ अकिंकत मूल्यमा ६२ करोड ५० लाख रुपैयाँ बराबरको ६२ लाख ५० हजार कित्ता आइपीओ जारी गर्ने भएको हो ।
कम्पनीले निष्काशनका लागि लक्ष्मी क्यापिटललाई सेयर निष्काशन तथा विक्री प्रबन्धक नियुक्त गरेको छ ।
सोमबार लक्ष्मी क्यापिटल र ग्रिन भेन्चरबीच सेयर निष्काशन तथा विक्री प्रबन्धक सम्बन्धी सम्झौता भएको छ । सम्झौता पत्रमा क्यापिटलको तर्फबाट प्रमुख कार्यकारी अधिकृत राजीव सापकोटा र ग्रीन भेन्चरका तर्फबाट सञ्चालक अध्यक्ष सुभाष चन्द्र संघईले हस्ताक्षर गरे ।
आइपीओ निष्काशनका लागि अब अनुमतिका लागि धितोपत्र बोर्डमा आवेदन दिने प्रक्रिया अघि बढाइने कम्पनीले जनाएको छ । बोर्डबाट स्वीकृति पाएपछि कम्पनीले सर्वसाधरणमा सेयर निष्काशन गर्नेछ ।
