काठमाडौं । नागरिक लगानी कोषको ५० हजार कित्ता सेयर लिलामीमार्फत विक्री खुल्ला भएको छ । प्रिमियर इन्स्योरेन्सले आफ्नो स्वामित्वमा रहेको कोषको संस्थापक सेयर आजदेखि लिलामी मार्फत विक्री गर्न लागेको हो ।
कम्पनीले बोलकबोलबाट न्यूनतम प्रतिकित्ता मूल्य १९७५ रुपैयाँमा उक्त सेयर लिलामीमा विक्री गर्न लागेको हो । न्यूनतम १०० कित्तादेखि अधिकतम ५० हजार कित्ताका लागि आवेदन दिन सकिनेछ।कोषको लिलामी सेयरमा कात्तिक १४ गतेसम्म आवेदन दिन सकिने छ ।
कम्पनीले विक्रीमा ल्याएको यो सेयरमा बैंक तथा वित्तीय संस्था र बीमा कम्पनीहरुले मात्र आवेदन दिन सक्नेछन् भने सर्वसाधरणले पाउने छैनन् ।
नबिल इन्भेष्टमेन्ट बैंकिङको कार्यालय सेन्ट्रल प्लाजा नक्साल, र प्रिमियर इन्स्योरेन्स कम्पनी नारायणचौर नक्सालबाट बोलपत्र आवेदन बुझाउन सकिनेछ।
बिहीबार नेप्सेमा लगानीकोषको सेयर प्रतिकित्ता ३४६५ रुपैयाँ कारोबार भएको थियो ।
