काठमाडौं । पछिल्लो समय उकालो लागेको सेयर बजारले आफ्नो यात्रा जारी राखेको छ । बजार खुलेदेखि नै उकालो लागेको बजार अन्त्यमा सामान्य अंकले बढेर बन्द भएको छ ।
सेयर बजार मापक सूचक नेप्से ४.२९अंकले बढेर १५६५.५६ बिन्दुमा पुगेको छ । यसदिन १९१ कम्पनीको ३ अर्ब १३ करोड ८२ लाख ४३ हजार ३६० रुपैयाँ बराबरको कारोबार भएको छ । १ करोड ९९ लाख ७२ हजार ३११ कित्ता सेयर किनबेच भएका छन् ।
कारोबारमा आएका १२ वटा समूहमध्ये ५ वटा समूहको परिसूचक उकालो लागेका छन् भने ७ वटा समूहको परिसूचक ओरालो लागेका छन् । आज होटल समूहको परिसूचक सबैभन्दा धेरै ५१.७१ अंकले बढेको छ भने जीवन समूहको परिसूचक ८३.५९ अंकले घटेको छ ।
आज लगानीकर्ताको रोजाइमा सोल्टी होटलको सेयर परेको छ । यसको सबैभन्दा धेरै ४८ करोड ५६ लाख रुपैयाँभन्दा बढीको सेयर किनबेच भएको छ । कारोबारकै आधरमा हिमाल दोलखा हाइड्रोपावर र कुमारी बैंकको सेयर क्रमशः दोस्रो र तेस्रो स्थानमा रहे ।
आज ७ कम्पनीको सेयर मूल्यमा पोजेटिभ सर्किट लागेको छ । सर्किट लाग्ने कम्पनीहरूमा फाइनान्स र हाइड्रोपावर कम्पनी रहेका छन् । बेस्ट फाइनान्स, नेपाल फाइनान्स, माउन्टेन, रैराङ, घलेम्दी, वरुण र आँखुखोला हाइड्रोपावरका सेयरधनीले करिब १० प्रतिशत कमाएका छन् ।
आज सेयर बजारमा सर्वाधिक महँगो युनिलिभरको सेयर मूल्य सबैभन्दा धेरै घटेको छ । यसका लगानीकर्ताले ७.११ प्रतिशत गुमाएका छन् ।
