काठमाडौं । सेयर कारोबारको समय सवा २ घण्टा थप भएको छ । नेप्सेको अनलाइन प्रणाली टीएमएसमा समस्या आएर अपराह्नदेखि बन्द भएको बजार समय थपेर कारोबार गर्न लागिएको हो ।
नेप्सेका अनुसार आज बजार ५:१५ बजेसम्म खुल्ने भएको छ । नियमित समयमा ३ बजेसम्म सेयर कारोबार हुने भए पनि आज सिस्टममा समस्या आएपछि नेप्सेले कारोबार समय थप गरेको हो ।
आज बजार खुलेदेखि नै कहिले नेप्सेको साइट नै नखुल्ने त कहिले टीएमएस र र वेबसाइटमा फरक फरक तथ्यांक देखाउने समस्या आएको थियो ।पटक पटक समस्या दोहोरिएपछि नेप्सेले कारोबार स्थगन गरेको थियो ।
पछिल्लो समय नेप्सेको टीएमएस सिस्टममा दिनहुँजसो समस्या आउँदा लगानीकर्ता हैरान भएका छन् ।
