काठमाडौं । नयाँ आर्थिक वर्ष लागेसँगै क्रमशः बढ्दै गएको सेयर बजार नयाँ मौद्रिक नीति आएपछिको पहिलो दिनमा ठूलो गिरावट आएको । सेयर बजार मापक सूचकमा बिहीबार दोहारो अंकले गिरावट आएको छ ।
साताको अन्तिम दिन नेप्से अघिल्लो दिनको तुलनामा १४.१५ अंकले ओरालो लाग्दै १२६९.९२ बिन्दुमा आइपुगेको छ । नेप्से सूचक घटे पनि कारोबार रकममा भने उत्साहजनक सुधार देखिएको छ । आज १७१ कम्पनीको ५५ करोड रुपैयाँभन्दा धेरैको सेयर कारोबार भएको छ । २१ लाख ९८ हजार १२६ कित्ता सेयर खरिदबिक्री भएका छन् ।
कारोबार भएका सबै समूहका सूचक घटेका छन् । सबैभन्दा धेरै निर्जीवन बिमा समूहको सूचक ८४.३५ विन्दुले घटेको छ । वाणिज्य बैंक समूहको सूचक पनि १२.५६ अंकले तल झरेको छ ।
कारोबार रकममा प्रभु बैंकले अग्रता लिएको छ । प्रभुको ६ करोड १७ लाख रुपैयाँभन्दा धेरैको सेयर कारोबार भएको हो ।कारोबार रकमकै आधारमा दोस्रो र तेस्रो स्थानमा क्रमशः कृषि विकास बैंक र नेपाल बैंक परेका छन् ।
कारोबार रकममा नेपाल ल्युब आयलले अग्रता लिएको छ । यसको भाउ ८.८१५ ले बढेको हो । सबैभन्दा धेरै युनियन हाइड्रोपावरका लगाीकर्ताले ९.५७५ का दरले गुमाएका छन् ।
