काठमाडौं । नेपाल इन्भेष्टमेन्ट बैंकले सेयर कर्जा ९.९९ प्रतिशतमै दिने भएको छ । यो कर्जा १ वर्षसम्म स्थिर रहने समेत बैंकले जनाएको छ ।
कोरोना भाइरसको महामारीको कारण बैंकहरुमा निक्षेपको तुलनामा कर्जा परिचालन कम भएर अत्याधिक तरलता थुप्रिन थालेपछि बैंकहरुले सस्तो मै सेयर कर्जा उपलब्ध गराउन थालेका हुन् ।
पछिल्लो समय व्याजदर कम र अन्य क्षेत्रमा लगानीको वातावरण नहुँदा सेयर बजारमा लगानी बढिरहेको छ । यसले गर्दा लकडाउन पछि सेयर बजारले गति लिन समेत थालेको छ ।
यसका साथै मौद्रिक नीतिले सेयर कर्जा ६५ प्रतिशतबाट बढाएर ७० प्रतिशत र बैंकहरुले नगदको साटो बोनस सेयर नै लाभांशको रुपमा वितरण गर्नुपर्ने व्यवस्था गरेपछि सेयर बजारले अझै गति लिने अनुमान गरिएको छ ।