काठमाडौं । अर्थ मन्त्रालयले धितोपत्र बजारमा कारोबार गरी राफसाफ बाँकी रहेकाहरुको हिसाब राफसाफ गर्ने समयावधि आगामी असार मसान्तसम्म कायम गरेको छ ।
वैशाख १४ गते बसेको मन्त्रिपरिषद् बैठकले सेयर कारोबार गरी हिसाब राफसाफ गर्न बाँकी रहेकाहरुको हिसाब राफसाफ गर्ने समयावधि २०७७ असार मसान्त सम्म थप्ने निर्णय गरेको हो ।
योसँगै अब लकडाउन अघि सेयर खरिदविक्री गरेर राफसाफ बाँकी रहेका कारोबारकर्ताले असार मसान्तसम्म राफसाफ गर्न पाउने भएका हुन् । जस अनुसार लकडाउन अघि सेयर किनेकाले अब नेप्से खुल्ने बित्तिकै पैसा तिर्नु नपर्ने भएको छ ।
यस्तै, धितोपत्र ऐन बमोजिम सूचिकृत कम्पनीहरुले बुझाउनुपर्ने विवरण बुझाउने म्याद समेत २०७७ असार मसान्तसम्मै कायम गर्न भनिएको छ ।
