काठमाडौं । सेयर बजारमा लगातार छैटौं दिन गिरावट आएको छ । गत आइतबारदेखि ओरालो लागेको नेप्सेले आज पनि सोही लय कायम राखेकाे हो । गत साता ६६ अंकले घटेको नेप्से आज एकैदिन ५३ अंकले घटेको हो ।
आइतबार नेप्से परिसूचक ५३.०४ अंकले घटेर २६१६.२६ बिन्दुमा आइपुगेको छ । आज ६ अर्ब ३२ करोड रुपैयाँ बढीको सेयर किनबेच भएको छ ।
आज कारोबारमा आएका १३ वटै समूहको परिसूचक घटेको छ । फाइनान्स समूहको परिसूचक सर्वाधिक २.९८ प्रतिशतले घटेको छ ।
आज पनि हिमालयन रि इन्स्योरेन्सको सर्वाधिक ४२ करोड ६ लाख रुपैयाँ बढीको सेयर किनबेच भएको छ । त्यस्तै, एनआरएन इन्फ्रास्ट्रक्चरको दोस्रो धेरै ३५ करोड ९९ लाख रुपैयाँको कारोबार भएको छ ।
आज कारोबारमा आएका मध्ये १३ कम्पनीको मात्रै सेयर मूल्य बढेको छ भने २३० कम्पनीको मूल्य घटेको छ ।
आज कुथेली बुखरी स्मल हाइड्रोपावरको सेयर मूल्य सर्वाधिक २.६८ प्रतिशतले बढेको छ । मिथिला लघुवित्तको सेयरधनीले भने ठ्याक्कै १० प्रतिशत गुमाएका छन् ।
भूगोल इनर्जीको ७.२७ प्रतिशत, सयपत्री हाइड्रोपावर ६.४८ प्रतिशत, माया खोला, अपर सोलु हाइड्रोपावरको सेयर मूल्य साढ ५ प्रतिशतले घटेको छ ।
