काठमाडौं । सेयर बजारमा दोहोरो अंकको गिरावट आएको छ । गत साता ५७ अंकले बढेको नेप्से यस साता पहिलो दिनमै २५ अंकले घटेको हो ।
आइतबार नेप्से परिसूचक २५.४१ अंकले घटेर २६०९.६७ बिन्दुमा आइपुगेको छ । सूचकसँगै कारोबार रकममा पनि भारी गिरावट आएको छ । अघिल्लो दिनको तुलनामा कारोबार रकम ३ अर्ब ३० करोड रुपैयाँले घटेर ४ अर्ब रुपैयाँमा सीमित भएको छ ।
कारोबारमा आएका १३ वटै समूहको परिसूचक राताम्मे भएको छ । फाइनान्स समूहको परिसूचक सर्वाधिक ३.६ प्रतिशतले घटेको छ ।
आज एनआरएन इन्फ्रास्ट्रक्चरको सर्वाधिक २० करोड ४१ लाख रुपैयाँ बराबरको सेयर किनबेच भएको छ । त्यस्तै, सिन्धु विकास बैंकको १८ करोड ८० लाख रुपैयाँको कारोबार भएको छ ।
आज कारोबारमा आएका मध्ये ४३ कम्पनीको सेयर मूल्य बढेको छ भने १९४ कम्पनीको मूल्य घटेको छ ।
घट्दो बजारमा पनि आज २ कम्पनीको सेयर मूल्यमा पोजेटिभ सर्किट लागेको छ । सिन्धु विकासब बैंक र वीन नेपाल लघुवित्तका सेयरधनीले १० प्रतिशत कमाएका छन् ।
न्यादी हाइड्रोपावरका सेयरधनीले भने ठ्याक्कै १० प्रतिशत गुमाएका छन्
