काठमाडौं । नागरिक लगानी कोषले गत आर्थिक वर्ष २०८०/८१ को मुनाफाबाट घोषणा गरेको लाभांश पाउन सेयर किन्ने आज अन्तिम दिन रहेको छ ।
कम्पनीले लाभांश तथा साधरण सभा प्रयोजनार्थ भोलि (पुस २२ गते) बुकक्लोज तोकेको छ । सो अनुसार आजसम्म कायम रहने सेयरधनीले मात्रै कोषको लाभांश पाउने छन् ।
कम्पनीले गत आवको नाफाबाट ७ प्रतिशत बोनस सेयर र करसहित ६ प्रतिशत नगद गरी कुल १३ प्रतिशत लाभांश प्रस्ताव गरेको छ ।
उक्त लाभांश पारित गर्न कम्पनीले पुस २९ गते ३० औँ वार्षिक साधारण सभा बोलाएको छ। कम्पनीको सभा आफ्नो केन्द्रीय कार्यालय, नयाँ बानेश्वर, काठमाडौँमा बिहान ११ बजे सुरु हुनेछ।
