काठमाडौं । सेयर बजारमा दोहोरो अंकको वृद्धि भएको छ । आइतबार १३ अंकले घटेको नेप्से आज झण्डै १६ अंकले फर्केको हो ।
सोमबार नेप्से परिसूचक १५.८३ अंकले बढेर २६८३.२४ बिन्दुमा पुगेको छ । ३०९ कम्पनीको १ करोड २२ लाख ६३ हजार ७८० कित्ता सेयर किनबेच भएको छ ।
सूचकमा सुधार आए पनि कारोबार रकम भने घटेको छ । अघिल्लो दिनको तुलनामा कारोबार रकम १ अर्ब ३८ करोड रुपैयाँले घटेर ६ अर्ब ३४ करोड रुपैयाँमा सीमित भएको छ ।
कारोबारमा आएका १३ वटा समूहमध्ये उत्पादनमूलक र म्युचुअल फण्ड बाहेक अरु सबै समूहको परिसूचक बढको छ । फाइनान्स समूहको परिसूचक सर्वाधिक २.२७ प्रतिशतले बढेको छ ।
आज ङादी ग्रुप पावरको सर्वाधिक ५४ करोड ७ लाख रुपैयाँको सेयर किनबेच भएको छ । त्यस्तै, बेस्ट फाइनान्सको २५ करोड २९ लाख रुपैयाँ बढीको कारोबार भएको छ ।
आज कारोबारमा आएका मध्ये १६९ कम्पनीको मात्र सेयर मूल्य बढेको छ भने ६७ कम्पनीको मूल्य घटेको छ ।
सामुदायिक लघुवित्तको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् । त्यस्तै, बेस्ट फाइनान्स र सुपर मादी हाइड्रोपावरकाे सेयर मूल्य ९.९१ प्रतिशत, कर्पोरेट डेभलपमेन्ट बैंक, स्वाभिमान लघुवित्त र सप्तकोशी डेभलपमेन्ट बैंकको साढे ९ प्रतिशतभन्दा धेरैले बढेकाे छ।
आज ङादी ग्रुप पावरका सेयरधनीले भने ठ्याक्कै १० प्रतिशत गुमाएका छन् ।
