काठमाडौं । नेपाल स्टक एक्सचेन्ज (नेप्से)मा सूचीकृत दुई हाइड्रोपावरले गत आर्थिक वर्ष २०८०/८१ को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
मन्दाकिनी हाइड्रोपावर र विन्ध्याबासिनी हाइड्रोपावरले साधरण सभा तथा लाभांश प्रयोजनका लागि भोलि (कात्तिक २७ गते) बुकक्लोज तोकेको छ । सो अनुसार आजसम्म कायम रहने सेयरधनीले मात्र प्रस्तावित लाभांश पाउने छन् ।
मन्दाकिनी हाइड्रोपावरले गत वर्षको नाफाबाट ५ प्रतिशत बोनस सेयर र कर प्रयोजनार्थ ०.२६ प्रतिशत नगद गरी कुल ५.२६ प्रतिशत लाभांश घोषणा गरेको छ ।
उक्त लाभांश पारित गर्न कम्पनीले मंसिर ७ गते एघारौं वार्षिक साधरण सभा बोलाएको छ । कम्पनीको सभा नेपाली चुलो लाजिम्पाट, काठमाडौँमा बिहान ८ बजे सरु हुनेछ ।
त्यसैगरी, विन्ध्याबासिनी हाइड्रोपावरले ८ प्रतिशत बोनस सेयर घोषणा गरेको छ । उक्त लाभांश पारित गर्न कम्पनीले मंसिर ६ गते आठौं वार्षिक साधरण सभा बोलाएको छ । कम्पनीको सभा आफ्नो कार्यालय परिसर, नयाँ बानेश्वर, काठमाडौँमा बिहान ११ बजे सुरु हुनेछ।
