काठमाडौं । मेरो माइक्रोफाइनान्स लघुवित्त वित्तीय संस्थाको खुद नाफामा उछाल आएको हो । लघुवित्तले बुधबार सार्वजनिक गरेको गत आर्थिक वर्ष २०८०/८१ को चौथो त्रैमासको अपरिष्कृत वित्तीय विवरण अनुसार खुद नाफा ३६२.५९ प्रतिशतले बढेको हो ।
लघुवित्तले गत आवको असार मसान्तसम्ममा २१ करोड ९५ लाख ७३ हजार रुपैयाँ खुद नाफा कमाएको छ । यो अघिल्लो आव २०७९/८० को तुलनामा १७ करोड २१ लाख रुपैयाँ बढी हो । लघुवित्तले अघिल्लो वर्ष असारसम्म ४ करोड ७४ लाख रुपैयाँ नाफा कमाएको थियो ।
समीक्षा अवधिमा लघुवित्तको खुद ब्याज आम्दानी, संचालन मुनाफा बढ्नुका साथै इम्पेयरमेन्ट चार्ज घट्दा नाफामा उल्लेख्य सुधार आएको हो ।
समीक्षा अवधिमा लघुवित्तको खुद ब्याज आम्दानी १४.०६ प्रतिशतले बढेर ८७ करोड ४८ लाख रुपैयाँ पुगेको छ । त्यस्तै, संचालन मुनाफा ३५२.७४ प्रतिशतले बढेर ३१ करोड ३१ लाख रुपैयाँ पुगेको छ ।
समीक्षा अवधिमा लघुवित्तले ३ अर्ब ४० करोड निक्षेप र ८ अर्ब ३६ करोड सापटी लिई १३ अर्ब ८५ करोड रुपैयाँ कर्जा लगानी गरेको छ ।
हाल १ अर्ब ३२ करोड रुपैयाँ चुक्ता पूँजी रहेको लघुवित्तको जगेडा कोषमा ६० करोड २७ लाख रुपैयाँ र रिटेन्ड अर्निङमा १९ करोड ६२ लाख रुपेयाँ संचित छ । लघुवित्तको वितरण योग्य नाफा १९ करोड ६२ लाख रुपैयाँ छ । यसबाट १४.८७ प्रतिशतसम्म लाभांश दिन सक्छ ।
नाफा बढेसँगै लघुवित्तको प्रतिसेयर आम्दानी पनि बढेको छ । समीक्षा अवधिमा लघुवित्तको प्रतिसेयर आम्दानी ३.६३० रुपैयाँबाट बढर १६.६३ रुपैयाँ पुगेका छ ।
लघुवित्तको प्रतिसेयर नेटवर्थ १६०.५३ रुपैयाँ र खराब कर्जा ७.६८ प्रतिशत छ ।
