काठमाडौं । मुग्लिन नारायणगढ सडकमा गुडिरहेको बस माथि ढुंगा खस्दा १९ जना यात्रु घाइते भएका छन् ।
शुक्रबार दिउँसो पौने २ बजे चितिवनको भरतपुर महानगरपालिका–२९, सत्रकिलोमा गौरबाट पोखरा जाँदै गरेको ग २ ख ४७ नम्बरको बसमाथि ढुंगा खसेको हो ।
बसमाथि अचानक ढुंगा खस्दा चालक आत्तिँदा बस अनियन्त्रित भएर सडकमा पल्टिएको छ । बसमा सवार १९ जना यात्रु घाइते छन्। घाइतेमध्ये केहीको अवस्था गम्भीर रहेको प्रहरीले जनाएको छ ।
आजै पोखराबाट काठमाडौं आउँदै गरेको भारतीय यात्रुबाहक बस तनहुँको आबुखैरेनी नजिकै मर्स्याङ्दी नदीमा खस्दा १६ जनाको निधन भएको छ ।
