काठमाडौं । सिन्धुपाल्चोकमा निर्माणधीन हाइड्रोपावरको सुरुङको ढलान भत्किएको छ ।
भोटेकोशी गाउँपालिका–४ मा निर्माणाधीन भोटेकोशी खोला हाइड्रोपावरको शुक्रबार दिउँसो ढलान खस्दा दुई कामदार पुरिएका छन् । ७ जना घाइते भएका छन् ।
पुरिएका कामदारको खोजी भइरहेको जिल्ला प्रहरी कार्यालय सिन्धुपाल्चोकले जनाएको छ ।
इलेक्ट्रिक हाइड्रोपावरले निर्माण गरिरहेको ४० मेगावाटको उक्त हाइड्रोपावरको ड्यामतर्फ पानी जाने पट्टीको ढलान एक्कासी खसेको बताइएको छ ।
घाइतेको अहिले बाह्रबिसेस्थित प्राथमिक अस्पतालमा उपचार भइरहेको छ । गम्भीर अवस्थाकालाई काठमाडौं रिफर गर्ने तयारी भइरहेको प्रहरीले जनाएको छ ।
