काठमाडौं । आजदेखि फेरि ३४ पृष्ठको राहदानीका लागि आवेदन दिन पाइने भएको छ ।
राहदानी विभागले आइतबार एक सूचना जारी गर्दै सोमबार (असोज १)देखि ३४ पृष्ठको राहदानीका लागि आवेदन दिन सकिने जानकारी गराएको हो ।
विभागले यसअघि ३४ पृष्ठको राहादानी अभावमा सबैलाई ६६ पृष्ठको राहादानी उपलब्ध गराउँदै आएको थियो । अब भने सर्वसाधरणले आफ्नो आवश्यकता अनुसार ३४ र ६६ पृष्ठको राहादानीका लागि आवेदन दिन पाउने छन् ।
विभागले गत असार ३ गतेदेखि ५ हजार रुपैयाँमै ६६ पृष्ठको राहादानी उपलब्ध गराउँदै आएको थियो । त्यसअघि विभागले ३४ पृष्ठको ५ हजार र ६६ पृष्ठको १० हजार शुल्क लिने गरेको थियो ।
