काठमाडौं । अब हप्तामा दुई दिन सार्वजनिक बिदा हुने भएको छ । मंगलबार बसेको मन्त्रिपरिषद्को बैठकले सातामा दुई दिन शनिबार र आइतबार सार्वजनिक बिदा दिने निर्णय गरेको हो ।
अहिले हप्तामा एक दिन शनिबार मात्र सार्वजनिक बिदा हुँदै आएको छ । यस्तै, सरकारले सार्वजनिक बिदा थपेसँगै सरकारी कार्यालय खुल्ने समय पनि बढाएको छ । जेठ १ गतेदेखि लागू हुने गरी सरकारी कार्यालय बिहान ९ः३० बजेदेखि साँझ ५ः३० बजेसम्म खुल्ने भएका छन् ।
सरकारले हाललाई परीक्षणका रुपमा लागू हुने गरी हप्तामा दुई दिन बिदा र कार्यालय समय साढे ९ देखि साढे ५ बजेसम्म बढाउने निर्णय गरेको हो ।
