काठमाडौं । स्थानीय तहको निर्वाचन नजिकिएसँगै राजनीतिक दलहरुले चुनावी घोषणापत्र सार्वजनिक गर्न थालेका छन् । यसैबीच, नेकपा एकीकृत समाजवादीले ३० वैशाखमा हुने स्थानीय तह निर्वाचनका लागि घोषणापत्र सार्वजनिक गरेको छ ।
मंगलबार राष्ट्रिय सभागृहमा आयोजित कार्यक्रममा अध्यक्ष माधवकुमार नेपालले पार्टीको चुनावी घोषणापत्र सार्वजनिक गरेका हुन् ।एकीकृत समाजवादीले घोषणापत्रको नारा जनमुखी स्थानीय सरकार विकास र समृद्धिको आधार दिएको छ ।
समाजवादीले घोषणापत्रमा सर्वसाधारणलाई खानेपानी निशुल्क गर्ने, २०० युनिटसम्म बिजुली निःशुल्क दिने घोषणा गरेको छ । त्यस्तै स्थानीय सरकारको बजेटको पहिलो प्राथमिकतामा स्वास्थ्य राख्ने पनि उल्लेख गरिएको छ ।
यस्तै, प्रशासनिक खर्च कटाऔँ, साधारण खर्च घटाऔँ, विकास खर्च बढाऔँ’ भन्ने नाराका साथ फजुल खर्च नियन्त्रण गरी प्रशासनिक खर्च कटाउने, साधारण खर्च कम गर्ने र विकास खर्च (पूँजीगत खर्च) बढाउने काम गर्ने घोषणा गरेको छ ।
यसैगरी, हरेक पालिकाले विभिन्न तरिकाले कब्जा गरिएका सार्वजनिक जमिनको खोजी गर्ने, भूमाफियाहरूद्वारा कब्जा गरिएका सार्वजनिक जमिनलाई फिर्ता ल्याउने उल्लेख छ ।
यस्तो छ घोषणापत्रको पूर्णपाठ
