काठमाडौं । नेपालमा पछिल्लो २४ घण्टामा थप ९७९ जनामा कोरोना संक्रमण देखिएको छ । योसँगै संक्रमितको संख्या ४७ हजार २३६ पुगेको छ ।
स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको ९ हजार २१८ जनाको स्वाब परीक्षणमा काठमाडौं उपत्यकामा ३२६ सहित देशका विभिन्न जिल्लाका ९७९ जनामा कोरोना पुष्टि भएको हो ।
पछिल्लो २४ घण्टामा थप १७३६ जना डिस्चार्ज भएका छन् । योसँगै हालसम्म निको भई घर फर्कनेको संख्या ३० हजार ६७७ पुगेको छ ।
पछिल्लो २४ घण्टामा थप ११ जनाको मृत्य भएको छ । योसँगै योसँगै नेपालमा कोरोनाका कारण मृत्यु हुनेको संख्या ३०० पुगेको छ ।
