काठमाडौं । नेपालमा पछिल्लो २४ घण्टामा थप १३५९ जनामा कोरोना संक्रमण देखिएको छ । योसँगै संक्रमितको संख्या ४४ हजार २३६ पुगेको छ ।
एकैदिन यति धेरै जनामा कोरोना देखिएको यो पहिलो पटक हो । स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको १३ हजार ६३८ जनाको स्वाब परीक्षणमा काठमाडौं उपत्यकामा ४५४ सहित देशका विभिन्न जिल्लाका १३५९ जनामा कोरोना पुष्टि भएको हो ।
शुक्रबार काठमाडौंमा ३८६ जना, भक्तपुरमा ३६ र ललितपुरमा ३२ जनामा कोरोना भाइरसको संक्रमण देखिएको छ ।
पछिल्लो २४ घण्टामा थप १३५४ जना डिस्चार्ज भएका छन् । योसँगै हालसम्म निको भई घर फर्कनेको संख्या २५ हजार ५६१ पुगेको छ ।
पछिल्लो २४ घण्टामा थप १४ जनाको मृत्य भएको छ । योसँगै योसँगै नेपालमा कोरोनाका कारण मृत्यु हुनेको संख्या २७१ पुगेको छ ।
