काठमाडौं । नेपालमा पछिल्लो २४ घण्टामा थप ६३८ जनामा कोरोना संक्रमण देखिएको छ । योसँगै संक्रमितको संख्या २३ हजार ९४८ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको १० हजार ५६२ नमूना परीक्षणमा देशका विभिन्न जिल्लाका ६३८ जनामा कोरोना पुष्टि भएको हो ।
पछिल्लो २४ घण्टामा थप १७१ जना डिस्चार्ज भएका छन् । योसँगै हालसम्म निको भई घर फर्कनेको संख्या १६ हजार ६६४ पुगेको छ ।
कोरोनाका कारण पछिल्लो २४ घण्टामा ४ जनाको मृत्यु भएको छ । योसँगै कोरोनाले ज्यान गुमाउनेको संख्या ८३ पुगेको छ ।
