काठमाडौंमा १५ सहित थप २१० जनामा कोरोना पुष्टि, संक्रमितको संख्या १९ हजार २७३ पुग्यो
चाणक्य पोष्ट
प्रकाशित : 4:44 pm, बुधबार, साउन १४, २०७७

काठमाडौं । नेपालमा पछिल्लो २४ घण्टामा थप २१० जनामा कोरोना संक्रमण देखिएको छ । योसँगै संक्रमितको संख्या १९ हजार २७३ पुगेको छ ।

 

स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा काठमाडौं उपत्यकामा १५ सहित २१० जनामा कोरोना पुष्टि भएको हो ।

 

पछिल्लो २४ घण्टामा थप १४६ जना डिस्चार्ज भएका छन् । योसँगै हालसम्म निको भई घर फर्कनेको संख्या १४ हजार २१ पुगेको छ ।

 

हालसम्म नेपालमा कोरानाका कारण मृत्यु हुनेको संख्या ४९ पुगेको छ ।