काठमाडौं । नेपालमा पछिल्लो २४ घण्टामा थप २९३ जनामा कोरोना संक्रमण देखिएको छ । योसँगै संक्रमितको संख्या १५ हजार ७८४ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा विभिन्न जिल्लामा एकैदिन थप २९३ जनामा कोरोना पुष्टि भएको हो ।
अहिलेसम्म देशका ७७ वटै जिल्लामा कोरोना संक्रमण फैलिएको छ ।
हालसम्म ६ हजार ५४७ जना कोरोना संक्रमित निको भएका छन् भने ३४ जनाको मृत्यु भएको छ ।
