भारतमा कोरोना संक्रमणको अवस्था भयावह बन्दै गएको छ । पछिल्ला दिनहरुमा दैनिक नयाँ संक्रमितको संख्याले रेकर्ड बनाउँदै गएको छ ।
पछिल्लो २४ घण्टामा मात्र भारतमा करिब १७ हजार नयाँ संक्रमित थपिएका छन् । वर्ल्डोमिटरका अनुसार पछिल्ले २४ घण्टामा भारतमा १६ हजार ८७० जना संक्रमित थपिएका छन् । एकैदिन नयाँ थपिएको यो हालसम्मकै धेरै हो ।
भारतमा हालसम्म ४ लाख ७३ हजार संक्रमित भएका छन् । जसमा १४ हजार ९०७ जनाले ज्यान गुमाइसकेका छन् ।
उपचारपछि २ लाख ७१ हजारभन्दा बढी निको भएका छन् भने १ लाख ८६ हजारभन्दा बढी अस्पतालमा उपचाररत छन् । करिब ९ हजारको अवस्था गम्भीर रहेको छ ।
पछिल्लो समय भारत सरकारले अर्थतन्त्र शिथिल भएको भन्दै त्यसलाई चलायमान बनाउन लकडाउन खुकुलो बनाएसँगै कोरोना संक्रमण डढेलोसरी फैलिरहेको छ ।
