काठमाडौं । विश्वव्यापी महामारीको रुपमा फैलिएको कोरोना भाइरसको संक्रमण ब्राजिलमा डढेलोसरी फैलिरहेको छ ।
कोरोनाबाट सबैभन्दा बढी प्रभावित हुने देशको सूचीको दोस्रो स्थानमा रहेको ब्राजिलमा पछिल्लो २४ घण्टामा मात्रै ५५ हजार २०९ जना नयाँ संक्रमित थपिएका छन् ।
अहिलेसम्म कुनै पनि मुलुकमा एकैदिन यतिधेरै संक्रमित देखिएको यो पहिलोपटक हो । योसँगै ब्राजिलमा कोरोना संक्रमितको संख्या १० लाख ३८ नाघेको छ ।
पछिल्लो २४ घण्टामा थप १ हजार २२१ जनाको मृत्यु भएसँगै ज्यान गुमाउनेको संख्या ब्राजिलमा ४९ हजार ९० पुगेको छ ।
ब्राजिलमा कोरोना संक्रमितमध्ये ५ लाख २० हजार ३६० जना उपचारपछि निको भएका छन् । ४ लाख ६९ हजार ११८ जनाको विभिन्न अस्पतालमा उपचार भइरहेको छ । उनीहरुमध्ये ८ हजार ३१८ जनाको अवस्था गम्भीर रहेको छ ।
