काठमाडौं । नेपालमा पछिल्लो २४ घण्टामा थप २७३ जनामा कोरोना संक्रमण देखिएको छ । योसँगै संक्रमितको संख्या ५ हजार ३३५ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा २७३ जनामा कोरोना देखिएको हो ।
मन्त्रालयका प्रवक्ता डा. जागेश्वर गौतमका अनुसार आज २४७ पुरुष र ३६ जना महिलामा कोरोना संक्रमण देखिएको हो।
अहिलेसम्म नेपालका ७७ मध्ये ७२ जिल्लामा कोरोनाका संक्रमित भेटिएका छन्।
पछिल्लो २४ घण्टामा ३६ जना कोरोना संक्रमित निको भएर घर फर्किएका छन् । नेपालमा हालसम्म ९१३ जना कोरोना संक्रमित निको भइसकेका छन् भने १८ जनाको मृत्यु भएको छ ।
