काठमाडौं । नेपालमा पछिल्लो २४ घण्टामा थप ३१४ जनामा कोरोना संक्रमण देखिएको छ । योसँगै संक्रमितको संख्या ३ हजार ७६२ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा एकै दिन यति धेरै जनामा कोरोना देखिएको हो ।
अहिलेसम्म नेपालका ७७ मध्ये ७१ जिल्लामा कोरोनाका संक्रमित भेटिएका छन्।
नेपालमा हालसम्म ४८८ जना कोरोना संक्रमित निको भइसकेका छन् भने १४ जनाको मृत्यु भएको छ ।
