काठमाडौं । भक्तपुर नगरपालिकाले सोमबारदेखि कोरोना भाइरस (कोभिड १९) संक्रमण परिक्षण सुरु गरेको छ । नगरपालिकाद्वारा संचालित जनस्वास्थ्य सेवा केन्द्रले कोरोना भाइरस रोगको परीक्षणर्यापीड डाइग्नोटीक टेष्ट (आरडीटी) सुरु गरेको हो ।
संसारभर फैलिरहेको कोरोना भाइरसको जोखिमलाई मध्यनजर गर्दै विदेशबाट फर्किएका व्यक्ति र सम्भावित व्यक्तिहरुको कोरोना भाइरस परीक्षणलाई नगरपालिकाले बढी महत्व दिएको छ ।
सोमबार भक्तपुर नगरपालीका वडा नम्बर १० कमलविनायक सरस्वती विद्यागृहबाट कोरोना भाइरस परीक्षणको सुरु गरिएको हो । एक दिनमा नगरपालिकाले ९ जनाको परीक्षण गरिएको थियो । परिक्षण गरेका मध्ये सबैको रिपोर्ट नेगेटिभ आएको जनाइएको छ ।
यसैगरी आज (मंगलबार) ११ बजेदेखि २ बजेसम्मम भक्तपुर नपा वडा नम्बर ४ तालाक्व, वडा नम्बर ५ भगवतीस्थान र वडा नम्बर ९ इन्जिनियरिङ कलेजमा कोरोना भाइरस परीक्षण गरिँदै छ ।
नगरपालिकाले चैत्र १ गतेपछि भक्तपुर आएका व्यक्तिहरुको आरडीटी परीक्षण हुने जानकारी जनस्वास्थ्य केन्द्रले दिएको छ । यस्तै नगरपालिकाले गत चैत्र १ गतेदेखि विभिन्न देशबाट नेपाल फर्केका भक्तपुर नगरबासीहरुलाई र्यापिड परीक्षण निम्ति सम्बन्धित वडा कार्यालयमा सम्पर्कमा आउन अनुरोध गरेको छ ।
