काठमाडौं । नेपालमा थप २ जनामा कोरोना भाइरसको संक्रमण पुष्टि भएको छ । योसँगै नेपालमा कोरोनाका संक्रमित संख्या १४ पुगेको छ ।
स्वास्थ्य तथा जनसंख्या मन्त्रालयका अनुसार आज भएको परीक्षणमा कैलाली लम्कीकी ६५ वर्षीय महिला र रौतहटका एक १९ वर्षीय पुरुषमा कोरोना पोजेटिभ देखिएको हो । मन्त्रालयका प्रवक्ता विकास देवकोटाका अनुसार यी दुवैजना क्वारेन्टाइनमा बसेका थिए ।
रौतहटमा भेटिएका कोरोना संक्रमित १९ वर्षीय पुरुषलाई नारायणी अस्पतालमा र कैलालाकी ६५ वर्षीय महिलालाई सेती प्रादेशिक अस्पताल, धनगढीको आइसोलेशनमा राखेर उपचार भइरहेको छ ।
यसअघि वीरगन्जमा रहेका ३ जनामा कोरोना देखिएको थियो । नेपालमा १४ जना संक्रमितमध्ये हाल १ जना निको भइसकेका छन् भने अन्य उपचाररत छन् ।
