युरोपको कोरोना इपिसेन्टरको रुपमा रहेको इटालीमा कोरोना भाइरसको संक्रमण नियन्त्रणका लागि नयाँ नियम र उल्लंघन गर्नेलाई सजायको प्रावधान गरिएको छ । इटालीमा कोरोना संक्रमणको दर निकै तीव्र रुपले वृद्धि भइरहेको छ ।
कोरोना संक्रमण देखिएका र क्वारेन्टाइनको नियम उल्लंघन गरेमा जेल सजाय गरिने बताइएको छ । इटाली सरकारले मंगलबार राति यस्ता नयाँ नियम लागू गरेको हो ।
-कोरोना भाइरस देखिएका व्यक्ति घरबाहिर निस्किए एकदेखि पाँच वर्षसम्मको जेल सजाय तोकिएको छ ।
-क्वारेन्टाइनको नियम उल्लंघन गरे ४३० अमेरिकी डलरदेखि तीन हजार २४५ अमेरिकी डलरसम्म जरिवाना तिर्नुपर्नेछ ।
– भाइरसको संक्रमण फैलिन नियन्त्रण गर्न बनाइएको नियम उल्लंघन गरेर व्यवसाय सञ्चान गरेमा पाँचदेखि ३० दिनसम्म बन्द गर्न सकिन्छ ।
-यो नियम जुलाई ३१ सम्म हरेक महिना परिवर्तन गर्न सकिने, थप कडा नियम ल्याउन सकिनेछ ।
इटालीमा हालसम्म ७ हजार कोरोना संक्रमितको मृत्यु भएको छ भने करिब ७० हजार कोरोना संक्रमित देखिएका छन् ।
-सीएनएन
