काठमाडौं । राजावादीहरुले काठमाडौंको तीनकुनेमा व्यक्तिगत घर तोडफोड गरेका छन् । जारी प्रदर्शनका क्रममा राजावादीहरु अराजक बन्दै सडक किनारामा रहेको व्यक्तिगत घरमा ढुंगामुडा गरेका हुन् ।
प्रहरीले राजावादीलाई तितिरवितर बनाउन पानीको फोहोरा र अश्रुग्यास प्रहार गरेपछि राजावादीले व्यक्तिगत घरमा आक्रमण गरेका हुन् ।
अहिले तीनकुनेको अवस्था तनावग्रस्त छ भने प्रहरीले प्रदर्शनकारीलाई रोक्ने प्रयास गरिरहेको छ ।
ढुंगामुडाबाट कति वटा घरमा कति रकम बराबरको क्षति पुग्यो भन्ने विवरण आइसकेको छैन ।
