काठमाडौं । चितवनको भरतपुर महानगरपालिका २९ स्थित नारायणगढ मुग्लिङ सडकको सिमलतालमा ट्रक खसेको छ।
खानेतेल बोकेर सिमराबाट काठमाडौँ आउँदै गरेको ना ६ ख ६२८३ नम्बरको ट्रक आज बिहान सडकबाट त्रिशूली नदी किनारामा खसेको हो ।
ट्रक सडकबाट खसे पनि त्रिशूली नदीमा पुग्नबाट भने जोगिएको छ । दुर्घटनाको थप विवरण आउन बाँकी रहेको जिल्ला प्रहरी कार्यालय चितवनले जनाएको छ ।
यसअघि असार २८ गते सिमलताल क्षेत्रबाट दुईवटा बस त्रिशूली नदीमा खस्दा ६२ जना यात्रु बेपत्ता भएका थिए । तीमध्ये २४ जनाको मात्र शव भेटिएको थियो ।
