काठमाडौं । मकवानपुरमा गुडिरहेको नेपाली सेनाको ट्रकमा आगलागी भएको छ ।

७ नम्बर बाहिनी चनवनबाट तालिमको लागि रेकी गर्न सिम्भञ्ज्याङतर्फ जाँदै गरेको नेपाली सेनाको बा १ ग ३४३६ नम्बरको ट्रकमा आज दिउँसो थाहा नगरपालिका-४ कुर्सी मोडमा आगलागी भएको हो ।

आगलागीबाट ट्रक पूर्ण रूपमा क्षति भएको छ भने कुनै मानवीय क्षति नभएको इलाका प्रहरी कार्यालय पालुङले जानकारी दिएको छ । ट्रकमा १८ जना सवार थिए ।

ट्रकको सापट भाच्चिएर डिजल ट्याङ्कीमा लागेर डिजल चुहिएपछि अचानक आगलागी भएको बताइएको छ । दकमलको सहायतामा आगो निभाइएको थियो ।