काठमाडौं । काठमाडौंको बौद्धमा गुडीरहेको बसको इन्जिन पड्किँदा एकजना घाइते भएका छन् ।
बुधबार बिहान बौद्ध पीपलबोट सडकमा गुडिरहेको गोकर्णेश्वर यातायातको प्र ३-०१-००५ ख ९८६६ नम्बरको बसको इन्जिन पड्किँदा बसमा सवार ५४ वर्षीय दावा लामा घाइते भएका हुन् ।
घाइते लामाको अर्थपेडिक अस्पताल नारायणटारमा उपचार भइरहेको प्रहरीले बताएको छ ।
बसको इन्जिन के कारणले पड्कियो भन्ने खुलेको छैन । घटनाबारे थप अनुसन्धान भइरहेको प्रहरीले जनाएको छ ।
