काठमाडौं । प्रहरीले काठमाडौंको सिंहदरबार अगाडिको मूल सडक बन्द गरेको छ ।
राष्ट्रिय प्रजातन्त्र पार्टी (राप्रपा)ले गरिरहेको प्रदर्शनलाई मध्येनजर गर्दै प्रहरीले मंगलबार दिउँसो उक्त सडक बन्द गराएको हो ।
प्रदर्शन अवधिभरका लागि सडक बन्द गराइएको प्रहरीले जनाएको छ । सो सडक बन्द भएपछि सवारी आवगमन अस्तव्यस्त भएको छ । जसकारण सुन्धरा, त्रिपुरेश्वर, माइतीघर, बबरमहल लगायत क्षेत्रमा ट्राफिक जाम बढेको छ ।
अहिले भद्रकालीबाट सिंहदरबार र माइतीघरबाट सिंहदरबार हुँदै भद्रकाली जाने सवारी डाइभर्ट गरिएको छ ।
