काठमाडौं । निर्माण व्यवसायी महासंघले आन्दोलन कार्यक्रम घोषणा गरेका छन् । महासंघले सुरुको दिन शान्तिपूर्वक आन्दोलन गर्ने औपचारिक घोषणा गरेको हो । आफ्नो हकमा खरिद ऐन संसोदन नभएको भन्दै निर्माण व्यवसायी आन्दोलनमा उत्रिने भएका हुन् ।
विभिन्न सरोकारवाला निकायहरुमा महासंघ, प्रदेश महासंघ ए.व जिल्ला संघहरुले आफ्ना मागहरु राखी ज्ञापनपत्र मार्फत सात दिने अल्टिमेट सहित ध्यानआकर्षण गरेता पनि कुनै सुनुवाई नभइको भन्दै पूर्व आन्दोलन घोषणा गरेको हो ।
महासंघले मंसिर ९ गतेबाट प्रधानमन्त्री निवास बालुवाटारमा १ घण्टा एक हप्तासम्म धर्ना गर्ने र प्रत्येक हप्ता १ घण्टाको दरले धर्नाको समय बढाइने महासंघले जनाएको छ ।
मंसिर १० गते प्रदेश महासंघ, जिल्ला महासंघहरु, निर्माण व्यवसायी र्फम कम्पनीहरुको कार्यालयमा विरोध स्वरुप कालो झण्डा राख्ने कार्यक्रम रहेको छ ।
साथै कालोपट्टी बाँधेर निर्माण व्यवसायीहरुले आफ्नो यन्त्र उपकरणमा समेत कालो झण्डा राख्ने योजना बनाएको छ । यस्तै माइतीघर मण्डला लगायतका सडकमा कालो झण्डा सहित शान्तपूर्ण रुपले प्रदर्शन गरिने जनाएकाे छ ।
सरकारलाई इजाजत पत्र बुझाउने, हेभी इक्यूपमेन्टसहित प्रदर्शन गर्ने, विकास निर्माण कार्यहरु पूर्ण रुपमा ठप्प गर्ने र आन्दोलनका स्वरुपहरु महासंघको निर्णयानुसार परिमार्जन गरिने जनाइएको छ ।
