काठमाडौं । बालुवाटारस्थित ललिता निवासको सहकारी जग्गा हिनामिनामा हिरासतमा रहेको भाटभटेनी सुपरमार्केटका संचालन मीनबहादुर गुरुङलाई अदालतते धरौटीमा छाड्न आदेश दिएको छ ।
आइतबार काठमाडौं जिल्ला अदालतका न्यायाधीश भोलानाथ ढकालकाे एकल इजालसले गुरुङलाई २ करोड ४६ लाख रुपैयाँ धरौटीमा छाड्न आदेश दिएको हो ।
सरकारी वकिल कार्यालयले ललिता निवास जग्गा प्ररकरणमा सरकारी कागजात कीर्ते अभियाेगमा भदाै १० गते ३११ जनाविरुद्ध मुद्दा दायर भएको थियो । सोमध्ये गुरुङसहित १८ जना हिरासतमा थिए । अदालतले आइतबार गुरुङसहित १७ जनालाई धरौटीमा र एकजनालाई साधारण तारेखमा छोड्न आदेश दिएको हो ।
प्रहरीको केन्द्रीय अनुसन्धान ब्यूरो (सीआईबी) को प्रतिवेदनका आधारमा सरकारी वकिल कार्यालयले कीर्ते अभियोगमा ४ पूर्व मन्त्रीसहित ३११ जना बढी विरुद्ध जिल्ला अदालत काठमाडौंमा मुद्दा दायर भएकाे थियाे ।
सरकारी जग्गा हिनामिना प्रकरणमा संलग्न भएको अभियोगमा पूर्वउपप्रधानमन्त्री विजयकुमार गच्छदार, पूर्वमन्त्रीहरु डम्बर श्रेष्ठ, चन्द्रदेव जोशी र सञ्जय शाह विरुद्ध कीर्ते अभियोगमा मुद्दा दायर भएको छ ।
त्यसैगरी, सरकारी वकिलले बहालवाला सचिव कृष्णबहादुर राउत, सहसचिव सुशील वैद्यसहित २९० जनाविरुद्ध मुद्दा दायर गरेको छ । साथै, आरोपितहरुसँग १८ अर्ब रुपैयाँ बढी बिगो दाबी माग गरिएको छ ।
