काठमाडौं । काठमाडौं महानगरपालिकाको पहिलो नगर कार्यपालिकाको बैठकमा मेयर बालेन्द्र साह (बालेन)ले ६ वटा एजेन्डा प्रस्तुत गरेका छन् ।
सोमबार ४ बजेदेखि सुरु भएको नगर कार्यपालिकाको बैठकमा मेयर साहले फोहोर व्यवस्थापनसहितका ६ वटा एजेन्डा प्रस्तुत गरेका हुन् ।
साहले फोहोर व्यवस्थापन, सडकका खाल्डाखुल्डी पुर्न पूर्वाधार एम्बुलेन्स, ढल निकास गर्ने, रेष्टुरेन्टमा निःशुल्क शौचालय व्यवस्था गर्ने, महानगरवासीको गुनासो सुन्न कल सेन्टर स्थापना गर्ने एजेन्डा प्रस्तुत गरेका छन् ।
मेयर साहले काठमाडौंका सडकमा परेका खाल्डाखुल्डी तत्काल पुर्न २ वटा भौतिक पूर्वााधर एम्बुलेन्स सुरु गर्ने प्रस्ताव राखेका राखेका छन् ।
त्यस्तै, नागरिकको गुनासो सुन्नका लागि कल सेन्टर सञ्चालनमा ल्याउने समते उनले बताएका छन् ।
उनले रेष्टुरेन्टहरुमा निःशुल्क शौचालय प्रयोग गर्न दिने प्रस्ताव पनि अघि सारेका छन् । यसका लागि केही चेन रेष्टुरेन्टहरुसँग कुराकानी समेत भएको उनले बताए ।साहले प्रस्तुत गरेका एजेन्डा उपर अहिले छलफल भइरहेको छ ।
