काठमाडौं । अति विशिष्ट व्यक्तिहरूको सवारी प्रयोजनको लागि भनेर सरकारले किनेको हेलिकप्टर काठमाडौं आइपुगेको छ । नेपाल नागरिक उड्डयन प्राधिकरणका अनुसार हेलिकप्टर बिहीबार काठमाडौं आइपुगेको हो ।
सरकारले इटालीबाट १ अर्ब ४० करोड रुपैयाँमामा सो हेलिकप्टर खरिद गरेको हो । यो हेलिकप्टरको स्वामित्व र सञ्चालन नेपाली सेनाले गर्नेछ । यसको दर्ता भने नागरिक उड्डयन प्राधिकरणमा भएको छ । सामान्यतया सेनाका हेलिकप्टर तथा जहाजको नियमन नेपाल नागरिक उड्डयन प्राधिकरणले गर्दैन ।
यसको सञ्चालनका लागि प्राधिकरणबाटै अनुमति लिनुपर्ने छ।यसको नेपाली दर्ता नम्बर ‘नाइएन–पिएमए’ रहेको छ। अहिले आठ सिट रहेको यो हेलिकप्टरमा भीभीआइपीले प्रयोग गर्ने भएकाले सिट घटाउन सकिने छ।
