काठमाडौं । काठमाडौंको बालाजुमा बसको ठक्करबाट दुई जना पैदलयात्रीको मृत्यु भएको छ ।
आज बिहान ६ बजे बालाजुको गंगा हल अगाडि बाटो पार गर्दै गरेका पैदलयात्रीलाई ठक्कर दिँदा एक पुरुष र एक महिलाको मृत्यु भएको हो ।
मृत्यु हुनेमा रसुवाका १८ वर्षीय विकास तामाङ र अर्की अन्दाजी ५०/५५ वर्षीया महिलाको सनाखत हुन बाँकी रहेको प्रहरीले जनाएको छ ।
उनीहरुको त्रिवि शिक्षण अस्पताल महाराजगञ्जमा उपचारको क्रममा मृत्यु भएको हो । ठक्कर दिने बससहित चालक फरार भएका छन् ।फरार चालक र बसको खोजी भइरहेको प्रहरीले जनाएको छ ।
