काठमाडौं । नेपालमा पछिल्लो २४ घण्टामा थप ८९९ जनामा कोरोना संक्रमण देखिएको छ । योसँगै संक्रमितको संख्या ३९ हजार ४६० पुगेको छ ।
स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको ११ हजार १२९ जनाको नमूना परीक्षणमा काठमाडौं उपत्यकामा २९८ सहित देशका विभिन्न जिल्लाका ८९९ जनामा कोरोना पुष्टि भएको हो ।
पछिल्लो २४ घण्टामा थप ५८८ जना डिस्चार्ज भएका छन् । योसँगै हालसम्म निको भई घर फर्कनेको संख्या २१ हजार ४१० पुगेको छ ।
पछिल्लो २४ घण्टामा थप ७ जनाको मृत्य भएको छ । योसँगै योसँगै नेपालमा कोरोनाका कारण मृत्यु हुनेको संख्या २२८ पुगेको छ ।
